Kryeministri hungarez Viktor Orbán ka shkuar drejt Moskës për të takuar presidentin rus Vladimir Putin, duke sfiduar udhëheqësit europianë. Media shtetërore ruse transmetoi pamjet e takimit të dy udhëheqësve në Kremlin. Orbán ka shpjeguar se vizita në Rusi është pjesë e një misioni diplomatik për të diskutuar paqen në Ukrainë. Këtë e bëri pas takimit të papritur me presidentin ukrainas Volodymyr Zelensky në Kiev.
Takimi Putin-Orbán vjen vetëm disa ditë pasi Hungaria mori presidencën e rradhës gjashtëmujore të Këshillit të BE-së. Putin dhe Orbán kanë shkëmbyer pikëpamje për situatën në Ukrainë. Kreu rus ka shprehur gatishmërinë për të paraqitur detajet e propozimeve të Moskës për të ndaluar luftën në Ukrainë.
Ndërsa Orbán ka theksuar se Hungaria mund të jetë i vetmi vend në Evropë që mund të flasë drejtpërdrejt me Rusinë. Reagimet e liderëve europianë kanë qenë të ndryshme, ndërsa tensionet janë rritur.
Sekretari i përgjithshëm i NATO-s, Jens Stoltenberg, ka koordinuar vizitën e Orbánit në Moskë me aleancën. Por presidenti i Këshillit Evropian, Charles Michel, ka theksuar se BE-ja nuk mund të angazhohet me Rusinë për çështjen e Ukrainës pa pjesëmarrjen e Kievit.
Ndërkohë, presidentja e Komisionit Evropian, Ursula von der Leyen, ka thënë se paqja në Ukrainë do të varet nga uniteti dhe vendosmëria, ndërsa kryediplomati i BE-së, Josep Borrell, ka konfirmuar se vizita e Orbánit në Moskë është në kuadrin e marrëdhënieve dypalëshe midis Hungarisë dhe Rusisë.
