EKSPERTËT: DËSHTIMI I BISEDIMEVE RREZIK PËR TENSIONIMIN E SITUATËS NË VERI
Një shpërthim i fuqishëm që dyshohet të ketë qenë me granatë dore, ka ndodhur në “Lagjen e boshnjakëve” në veri të Mitrovicës, rreth mesnatës.
Policia ka konfirmuar shpërthimin ndërsa ka bërë të ditur se nga shpërthime ka pasur dëme materiale ku një automjet është dëmtuar.
Mininistri i Punëve të Brendshme, Xhelal Sveçla, e ka hedhur fajin në Beograd duke thënë se shpërthimi është bërë me urdhër të presidentit të Serbisë, Aleksandar Vuçiq.
Ai thotë se akti kriminal u bë si shenjë revolte për tre të arrestuarit për krime lufte.
Eksperti i sigurisë Nuredin Ibishi thotë se pas dështimit të bisedimeve në Bruksel më 14 shtator ekziston rreziku i një tensionimi të sërishëm të situatës në veri.
Ai thotë se provokimet vijnë nga ekstremistët serbë.
Ibishi përmendi edhe fjalimin e president serb Aleksandër Vuciq në Këshillin e Sigurimit të OKB-së në Neë York.
Drizan Shala vlerëson se tensionet mund të përsëriten nëse ka intensitet të shtuar të diplomacisë ndërkombëtare.
Eksperët vlerësojnë se të dyja palët me ndihmën e faktorit ndërkombëtar duket të punojnë drejt normalizimit të plotë të marrëdhënieve në mënyrë qe veriu të mos mbetet vatër e krizave.
