Shpërthime të fuqishme janë dëgjuar në zonën e aeroportit ushtarak Millerovë në rajonin e Rostovit, Rusi, pas një sulmi me dron. Pas sulmit, shpërthyen zjarre të mëdha, duke përfshirë edhe një depo nafte, sipas raportimeve nga kanali në Telegram, Crimean Wind.
Një grup monitorues ka konfirmuar sulmet në këtë aeroport ushtarak, ndërsa raportime të tjera në internet tregojnë për shpërthime pranë fshatit Dolotinka dhe në zonën e depove të naftës. Situata mbetet e tensionuar ndërsa autoritetet po hetojnë incidentin.
