Të paktën 3 persona kanë humbur jetën nga reshjet e dendura të shkaktuara nga stuhia tropikale “Alberto”, e cila ishte efektive në Meksikë. Zyrtarët nga shteti i Tamaulipas njoftuan se mësimi është pezulluar për shkak të rrezikut të stuhive tropikale dhe përmbytjeve.
Zyrtarë të Mbrojtjes Civile në shtetin e Nuevo Leon raportuan se 3 persona humbën jetën si pasojë e reshjeve të dendura të shiut. Guvernatori i Nuevo Leon, Samuel Garcia, deklaroi se shërbimet e transportit publik, përfshirë metron, u ndaluan përkohësisht në rajonin e Monterrey-it për të parandaluar rreziqe të tjera.
Në shtetin amerikan të Teksasit, guvernatori Greg Abbott shpalli “gjendje katastrofe” në 51 rajone për shkak të stuhisë tropikale “Alberto”. Ai theksoi se përmbytja e shkaktuar nga kjo stuhi mund të sjellë humbje jete dhe dëme materiale, duke paraqitur një kërcënim të afërt fatkeqësie.
