Kanë mbetur vetëm edhe disa orë që na ndajnë nga ndrimi i motmoteve, Viti 2023 iku me shumë ngjarje sportive në nivele dhe sporte të ndryshme ku disa realizuan objektivat e veta, ndërsa disa të tjerë mendojnë që të njëjtat ti arrijnë në vitin 2024.
Sa i përket sportit dhe sportistëve viti 2024 do të jetë shumë i pasur me aktivitet pasi mbahet edicioni i 30-të jubilar Lojërat Olimpike Verore “ Parisi 2024”.
Kryeqyteti francez Parisi pas plot 10 viteve sërish është organizator I Lojërave Olimpike Verore kësaj radhe i edicionit të 30-të jubilar . Lojërat e 30-ta Olimpike në Paris mbahen nga data 26 korrik deri më 11 gusht 2024
Kujtojmë Lojërat Olimpike Verore se edicioni i pare i Lojërave Olimpike Verore është mbajtur në Athinë në vitin 1896, për të vazhduar në vitin 1900 në Pariz, 1904 në Sent luis, 1908 në Londër, 1912 në Stokholm, 1920 në Anversë, 1924 në Paris, 1928 në Amsterdam, 1932 në Los Angelos, 1936 në Berlinë, 1948 në Londër, 1952 në Helsinki, 1956 në Melburnë, 1960 në Romë, 1964 në Tokio, 1968 në Meksiko, 1972 në Munih, 1976 në Montreal, 1980 në Moskë, 1984 në Los Angelos (Shaban Trstena doli fitues i medaljes së artë në mundje), 1988 në Seul (Shaban Trstena fiton medalje të argjendtë)_, 1992 në Barcelonë, 1996 në Atlanta, 2000 në Sidnej, 2004 në Athinë, 2008 në Pekin, 2012 në Londër, 2016 në Rio de Janeiro, 2020 në Tokio
Gjatë vitit 2024 do të zhvillohen edhe shumë aktivitet në futboll ku më të rëndësishmet janë katër turnet kontinentale që fillon në janar me Kupën e Azisë që mbahet në Katar dhe Kupën e Kombeve të Afrikës që mbahet në Bregun e Fildishtë.
Në qershor të vitit 2024 organizohet edicioni 17-të me radhë Kampionati Evropian i futbollit “Euro 2024” që fillon më 14 qershor dhe përfundon me 14 korrik dhe në te do të marrin pjesë 24 kombëtare që siguruan kualifikim pas fazës së grupeve. Pjesë e këtij kompeticioni të garave që organizohet nga UEFA është edhe kombëtarja Shqiptare
Po në këtë verë mbahet edhe Copa Amerika që zhvillohet në Shtetet e Bashkuara, ngjarje kjo që do të jetë një test i madh para Kampionatit Botërorë 2026.
Një ngjarje e madhe në shkurt të vitit 2024 mbahet në Arabinë Saudite bëhet fjalë për duelin e boksit mes Oleksandr Usyk dhe Tyson Fury që takohen në Riad për të vendosur titullin e padiskutueshëm të boksit në peshën e rëndë.
Ndër ngjarjet tjera me karakter botërore padyshim janë edhe garat në Formula 1, garat në tenis që fillojnë me Australia Open, ndërsa do të ketë edhe shumë aktivitete tjera të rëndësishme në sportet tjera. /KlanMacedonia/
