Sot do të tërhiqet shorti në Ligën e Kampionëve me fillim nga ora 12. Ekipet çerek-finaliste do të mësojnë kundërshtarët e tyre në çerekfinale dhe po ashtu kundërshtarët potencialë në gjysmëfinale.Ekipet e kualifikuara janë: Real Madrid, Barcelona, Atletico Madrid, Manchester City, Arsenal, PSG, Bayern Munich dhe Borussia Dortmund.
A MUND TË LUAJNË SKUADRAT NGA I NJËJTI VEND ME NJËRA-TJETRËN NË ÇEREKFINALE TË LIGËS SË KAMPIONËVE?
Po, është një short i hapur. Klubet mund të përballen me kundërshtarë nga i njëjti vend dhe skuadra me të cilat ishin përballur më parë në fazën e grupeve.
SI FUNKSIONON SHORTI I ÇEREKFINALEVE TË LIGËS SË KAMPIONËVE?
Tetë topa që përmbajnë emrat e çerekfinalistëve vendosen në një vazo të madhe dhe përzihen. Skuadra e parë e dalë nga shorti e luan ndeshjen e parë në shtëpi, kundër skuadrës së dytë të zgjedhur. Procedura përsëritet me topat e mbetur në vazo për të përfunduar çiftet çerekfinale.
SI FUNKSIONON SHORTI I GJYSMËFINALEVE TË CHAMPIONS LEAGUE?
Për shortin gjysmëfinal, katër topa që përmbajnë copëza letre të shënuara “Fituesit e çerekfinales 1” deri “Fituesit e çerekfinales 4” vendosen në një vazo të madhe dhe përzihen. Topi i parë dhe i dytë i tërhequr përcaktojnë çiftin e parë gjysmëfinal, topi i parë i tërhequr përfaqëson ekipin vendas për ndeshjen e parë. Procedura përsëritet me topat e mbetur në vazo për të përfunduar çiftet gjysmëfinale.
PSE HIDHET SHORTI PËR FINALEN E CHAMPIONS LEAGUE?
Do të hidhet gjithashtu edhe shorti i tretë për të përcaktuar në finale skuadrën ‘vendase’ për arsye administrative.
