Skandali me mungesën e terapisë në Кlinikën e Оnkologjisë edhe sot ka përplasur LSDM-në dhe VMRO-DPMNE-në.
Partia në pushtet përmes deputetit, Brane Petrushevski, ka kërkuar që Prokuroria Publike të reagojë dhe të mos heshtë kundër siç thonë “mafisë” së vdekjes që sipas tyre, ka qenë e kryesuar nga lideri I tanishëm I opozitës Venko Filipce.
BRANE PETRUSHEVSKI – VMRO-DPMNE
“Me vite “mafia e vdekjes” e udhëhequr nga filantropi dr. Panovski numëron përfitime enorme dhe e kërcënon Fondin për Sigurim Shëndetësorë dhe Ministrinë e Shëndetësisë. Është i njëjti përfitues, babai i një të punësuares së Venko Filipçes. Venko Filipçe dhe LSDM-ja politikisht e mbrojnë këtë mafi, të cilën realisht vet e krijuan. E ftojmë Prokurorinë Themelore të mos presë dhe të merret me rastin në onkologji.”
Akuzat e vazhdueshme të VMRO-së ditëve të fundit rreth zhvillimeve në Onkologji kanë detyruar sot personalisht të reagojë lideri I opozitës, Venko Filipçe.
Ai tha se nuk ka kurfarë përgjegjësie për rastin e lartëpërmendur.
Filipçe ka përgënjeshtruar edhe pohimet e djeshme të VMRO-së për disa raporte që ndërlidhen me onkologjinë.
Akuzat e VMRO-së Filipçe i quan fushatë brutale kundër opozitës.
VENKO FILIPÇE – KRYETAR I LSDM-së
“Falë punonjësve të ndershëm që janë në Ministrinë e Shëndetësisë të cilët e dijnë se çfarë kam punuar për pacientët dhe të gjithë të punësuarit në sektorin e shëndetësisë, mi kanë dorëzuar raportet për të cilat më akuzuan se nuk ekzistojnë. Unë isha i bindur se ka, por tani dua edhe të dëshmoj se ka raporte të vulosura edhe elektronike të plotësuara, qoftë edhe në kohërat më të vështira të “covidit” edhe në atë kohë kur kishte kufizime, asnjë pacient onkologjik nuk ishte lënë pa terapi dhe të gjitha rastet ishin në përputhje me ligjin dhe rregulloren.”
Dokumentat e prezantuara Filipce tha se ia ka dorëzuar prokurorisë dhe ka kërkuar nga VMRO DPMNE të kërkojë falje për trillimet dhe manipulimet që ka bërë ditëve të fundit rreth Onkologjisë. /tvklan.mk
