Zjarrfikësit vazhdojnë të mbeten në terren tashmë prej më shumë se një muaj për shkak të zjarreve që kanë kapluar Maqedoninë e Veriut.
Siç njoftuan nga Qendra për Menaxhim me Kriza, për momentin ka 12 zjarre aktive në hapësira të hapura, ndërsa për situatën shqetësuese me zjarret foli edhe presidentja, Gordana Siljanovska Davkova.
Ajo vlerëson se për menaxhimin e zjarreve duhet bërë ndryshime në ligjin për menaxhimin e krizave, madje duhet bërë edhe ligj për gjendje të jashtëzakonshme.
Sipas saj tërë vitin duhet për përgatitje për muajin korrik dhe gusht, që më lehtë të menaxhohet kriza me zjarret.
