Paketat turistike për këtë sezon veror pritet të jenë më të shtrenjta krahasuar me vitin e shkuar.
Kjo vjen si rezultat i zhvlerësimit të euros, por dhe rritjes së vazhdueshme të çmimeve të produkteve bazë.
Kjo rritje e domosdoshme, sipas kryetarit të sektorit të turizmit, nuk pritet të ndikojë në punën e strukturave turistike, të cilët gjithnjë e më shumë po shohin shtim të numrit të turistëve elitarë.
Operatorët kanë disa kërkesa për pushtetin lokal.
“Pastërtia është e para dhe ajo që ne shikojmë, është që duhet patjetër të shtohet numri i sinjalistikave dhe informacionit turistik dhe duhet patjetër të merren masa për të sistemuar trafikun dhe parkimet”, thotë Xhepa.
Këto i konstatojnë edhe vendasit, të cilët apelojnë për marrjen e disa masave.
Durrësi aktualisht ofron në total 168 hotele, me 4859 dhoma dhe 11,528 shtretër, ku gati 70% e tyre janë tashmë të prenotuar për stinën e verës./Euronews Albania
