Mbyllet zyrtarisht orari i votimit për zgjedhjet vendore në Shqipëri. Qendrat e votimit u hapën në orën 07:00 dhe u mbyllën në orën 19:00. Procesi vijon ende në ato qendra ku ka ende qytetarë në radhë që presin për të votuar.
Sipas të dhënave të KQZ-së, numri i votuesve deri në orën 18:53 është pak më shumë se 1 milionë vetë, ose 29,18%, nga mbi 3.6 milionë qytetarë me të drejtë vote.
Për të zgjedhur 61 kandidatë për kryebashkiakë, në garë janë 144 kandidatë. Në 61 bashki të vendit ishin të hapura 5213 qendra votimi. Për herë të parë në Kamëz, Vorë dhe Elbasan aplikohet numërimi elektronik.
Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime./tvklan.al
