Këshilli i prokurorëve publikë dha mendim negativ për shkarkimin e Kocevskit. Gjatë votimit, i cili ishte publik, anëtarët e Këshillit, Keti Petkova, Ardijan Demiri dhe Marijana Ilieska votuan pozitivisht për propozimin e Qeverisë. Gjashtë të tjerët votuan kundër.
Këshilli i prokurorëve publikë me shumicë prej gjashtë votash ka dhënë mendim negativ, përkatësisht është deklaruar kundër propozimit të Qeverisë për shkarkimin e prokurorit publik të shtetit Ljupço Kocevski.
Nga nëntë anëtarët e Këshillit, tre e mbështetën propozimin për shkarkim në seancën e sotme.
Gjegjësisht, gjatë votimit, i cili ishte publik, anëtarët e Këshillit, Keti Petkova, Ardijan Demiri dhe Marijana Ilieska, votuan pozitivisht propozimin e Qeverisë. Gjashtë të tjerët votuan për një opinion negativ.
“Duke qenë se vendimet merren me shumicë votash të shumicës së anëtarëve, kjo do të thotë se Këshilli ka dhënë mendim negativ për propozimin e Qeverisë për shkarkimin e prokurorit publik të Republikës së Maqedonisë së Veriut, Ljupço Kocevski”, tha kryetarja e Këshillit të Prokurorëve Publikë, Dushica Dimitrieska.
Prokurori publik Kocevski nuk mori pjesë në seancë, siç e kërkon procedura ligjore në një rast të tillë.
Ndryshe, diskutimi i cili ka qenë me dyer të mbyllura, pa prezencën e publikut, ka zgjatur rreth gjysmë ore. Propozimi për mbylljen e seancës është bërë nga anëtarja e Këshillit Zorica Pavloviq, e cila iu referua nenit 10 të Ligjit për Këshillin e Prokurorëve Publikë dhe njëzëri u mbështet nga anëtarët e tjerë.
Arsyetimi për përjashtimin e publikut ishte mbrojtja e reputacionit dhe integritetit të prokurorit publik, si dhe të dhënave dhe provave që ai ka dhënë në deklaratën e tij lidhur me propozimin për shkarkimin e tij.
Kryetarja e Këshillit të prokurorëve Dimitrieska, e pyetur se a do të merret parasysh mendimi negativ i Këshillit, tha se kjo pyetje duhet parashtrohet në adresë tjetër.
“Kjo është ende çështje e Qeverisë”.
Ndryshe, Qeveria ka marrë vendim që të ndërpresë procedurën për shkarkimin e Kocevski pas tragjedisë në Koçan.
Gjegjësisht, javën e kaluar, më 25 mars, kryeministri Hristijan Mickoski tha se procedura e nisur nga Qeveria në shkurt duhet të mbetet në fazën në të cilën është aktualisht për shkak të hetimeve për tragjedinë në Koçan, për të cilën po punon ekipi prej 11 prokurorësh.
