Politikanja Radmilla Shekerinska është emëruar dje si zëvendës sekretare e përgjithshme e NATO-s, me ç’rast shumë kolëgë, miq e bashkëpunëtorë e kanë uruar për këtë arritje.
Sheqerinska sot përmes një statusi në faqen e saj në Facebook, ka falenderuar të gjithë ata që e uruan, duke shkruar se tashmë detyra e saj është punë me plot përgjegjësi, drejt vlerave që forcojnë paqen dhe integrimin e vendeve anëtare të NATO-s.
Statusi i plotë:
Ju falënderoj nga zemra për të gjitha urimet, mesazhet dhe fjalët e mbështetjes me rastin e emërimit tim si Zëvendës Sekretar i Përgjithshëm i NATO-s. Urimet tuaja të sinqerta kanë shumë domethënie për mua dhe më japin forcë dhe motivim shtesë për sfidat përpara.
Kërkoj falje që nuk mund t’u përgjigjem të gjitha mesazheve tuaja individualisht.
Para meje është një përgjegjësi që kërkon angazhim të plotë dhe punë në tema që janë vendimtare për sigurinë dhe stabilitetin global. Do të vazhdoj të avokoj për vlerat që forcojnë paqen, bashkëpunimin dhe integrimin mes vendeve anëtare të NATO-s, por edhe ta përfaqësoj Maqedoninë e Veriut me krenari në këtë pozitë të lartë ndërkombëtare.
Çdo fjalë juaj e mbështetjes është gjithashtu një kujtesë se suksesi nuk është vetëm personal, por edhe sukses për vendin tonë. Së bashku tregojmë se Maqedonia e Veriut ka diçka për të ofruar në nivel global.
Faleminderit nga thellësia e zemrës sime! Mbështetja juaj do të thotë shumë për mua.
Sinqerisht,
Radmila Shekerinska
