Shefi i Stafit të Forcës së Sigurisë së Kosovës, gjeneral brigadë, Ilir Qeriqi, mori pjesë në Seminarin për Lidershipin Strategjik të mbajtur në Akademinë e Mbrojtjes në Mbretërinë e Bashkuar.
Ky seminar kishte fokus lidershipin në nivelin strategjik, modelet e lidershipit, etikën, menaxhimin dhe administrimin e ndryshimeve strategjike në aspektin e vendimmarrjes në nivelin strategjik.
Ushtarakë të lartë nga 20 vende të botës diskutuan për ngritjen dhe avancimin e lidershipit në kohën e kërcënimeve, zhvillimeve globale në fushën e sigurisë, si dhe përvojat e ndërveprueshmërisë mes aleatëve.
