Administrata e presidentit të ShBA-së, Joe Biden do të “ndjek çdo përpjekje” për të siguruar lirimin e pengjeve që Hamasi po mban në Gaza, duke përfshirë qytetarët amerikanë që mbeten të pagjetur, tha një zyrtar i lartë i administratës në fund të negociatave në Doha, Katar.
Shtëpia e Bardhë ka thënë se një grua amerikane dhe shtatë burra janë të pagjetur pas sulmit të Hamasit në Izrael më 7 tetor.
Deri më tani, katër amerikanë janë liruar që nga fillimi i luftës, raporton CNN, transmeton Klankosova.tv.
Zyrtarët amerikanë dhe izraelitë besojnë se Hamasi po refuzon të lirojë një numër grash në të 20-at dhe 30-at e tyre të marra në festivalin e muzikës Nova – duke pretenduar se ato gra konsiderohen si ushtarë, gjë që Izraeli e mohon.
“Përgjegjësia i takon Hamasit që të përmbushë kushtet e saj të marrëveshjes dhe t’i lirojë këto vajza të reja pa vonesë”, tha zyrtari.
Refuzimi jo vetëm që shkel kushtet e marrëveshjes së arritur fillimisht nga Izraeli dhe Hamasi, por është “krejtësisht i papranueshëm” duke pasur parasysh “pretendimet e besueshme për dhunë seksuale të lidhura me Hamasin dhe mizoritë e 7 tetorit”, tha zyrtari.
