Të paktën 900,000 familje dhe biznese kanë mbetur pa energji elektrike
Të paktën katër persona kanë humbur jetën si pasojë e motit të keq që ka përfshirë SHBA-në.
Erërat e forta dhe stuhitë e dëborës po prekin edhe pjesën veriore dhe furnizimi me energji elektrike është ndërprerë në 900,000 familje dhe biznese në të gjithë vendin.
Ndërprerjet e energjisë elektrike pritet të rriten në verilindje pasi erërat e forta dhe reshjet e dendura të shiut po prekin në pjesën më të madhe të rajonit.
“Mos e nënvlerësoni”, paralajmëroi guvernatori i Nju Xhersit, Phil Murphy në një intervistë për mediat lokale, duke e quajtur këtë stuhi të pazakontë.
Moti i keq ka prekur edhe trafikun ajror, pasi më shumë se 1,300 fluturime u anuluan dhe 8,600 u vonuan ditën e martë.
Përkeqësimi i kushteve të motit bëri që avioni i Zëvendës Presidentes Kamala Harris, të devijonte drejt Aeroportit Ndërkombëtar të Dulles në shtetin e Virxhinias, në vend që të ulej në Maryland.
Ndërsa zonat juglindore u goditën nga tornado, veçanërisht Florida, ku guvernatori Ron De Sandis shpalli gjendjen e jashtëzakonshme në 49 qarqe.
Klan News
