Ata janë zhvendosur në Republikën Domenikane, mbi 360 mijë njerëz janë zhvendosur brenda vendit pas dhunës
Shtetet e Bashkuara kanë transportuar me avion personelin e ambasadës nga Haiti pas trazirave. Ambasadori gjerman dhe stafi diplomatik i BE-së gjithashtu janë larguar nga vendi si rezultat i situatës shumë të tensionuar të sigurisë.
Ata janë zhvendosur në Republikën Domenikane dhe do të punonin prej aty deri në njoftimin e mëtejshëm. Ky vendim vjen pasi bandat e dhunshme kanë pushtuar vendin, duke kërcënuar të rrëzojnë qeverinë.
“Dhuna e shtuar e bandave në lagjen pranë komplekseve të ambasadës amerikane dhe pranë aeroportit çoi në vendimin e Departamentit të Shtetit për të rregulluar largimin e personelit shtesë të ambasadës,” tha në një deklaratë Komanda Jugore e ushtrisë amerikane.
Një valë dhune shpërtheu në fund të shkurtit ndërsa kryeministri Ariel Henry po vizitonte Kenian për të nxitur një dislokim të një force policore të mbështetur nga OKB nga vendi i Afrikës Lindore për të luftuar bandat.
Që atëherë, bandat kriminale kanë marrë nën kontroll pjesën më të madhe të kryeqytetit, Port-au-Prince, dhe kanë sulmuar infrastrukturën kryesore, duke përfshirë dy burgje ku shumica e 3,800 të burgosurve mundën të arratiseshin . 2,300 njerëz u vranë në dhunën e vitit 2023 vetëm në lagjen Port-au-Prince të Cite Soleil, ku jeton 9% e popullsisë së kryeqytetit.
Më shumë se 360,000 haitianë janë zhvendosur brenda vendit për shkak të dhunës, sipas Organizatës Ndërkombëtare për Migracionin. Ndërkohë, aeroporti në Port-au-Prince mbetet i mbyllur dhe porti kryesor detar, i cili shërben për importet e ushqimit.
Papa Françesku u bëri thirrje të gjitha palëve të punojnë drejt paqes dhe pajtimit me mbështetjen e komunitetit ndërkombëtar. Blloku i Karaibeve CARICOM ka thirrur të dërguar nga SHBA, Franca, Kanadaja dhe Kombet e Bashkuara për të diskutuar dhunën në një takim në Xhamajka.
Klan News
