Me datë 23 qershor në organizmin të klubit të Shah-ut, Anpasan të Tetovë do të organizohet edicioni i IV-të, Turneu ndërkombëtar i lojës së shahut “Vizioni M 2024”,. Ky turnir tradicional ku pritet të marrin pjesë afro 200 shahist nga i gjithë rajoni pritet të dhuroj një spektakël të madh për të gjithë adhuruesit e kësaj loje magjike
Ky turne organizohet nga Klubi i Shahut “Anpasan” të Tetovës në bashkëpunim me Shoqatën për Kulturë “Vizioni M”, më 23 qershor në hapësirat e hotelit Scardus në Kodrën e Diellit.
“Ndihem I priveligjuar të njoftoj opinionin për interesimin e madh të lojtarëve të shahut që të jenë të pranishëm në kët turnir të hapur tradicional me përmasa ndërkombëtar. Përfundimisht deri në këto moment pjesëmarrjen e vetë e kanë konfirmuar afro 190 shahistë nga vendi dhe rajoni. Ajo që mund të them se do të jetë një festë e vërtet e lojës së shahut. Turneu do të zhvillohet sipas rregullave strikte të FIDE-s dhe me sistemin zvicerian me 9 xhiro, Për fituesit do të ketë shpërblime adekuate Kupa, medalje dhe diploma. Për më mirët edhe shpërblime me të holla”, deklaroi kryetari i klubit të shahut “Anpasan”, Nazmidin Imeri.
Organizatori tanimë ka siguruar të gjitha rekuizitat që turneu të zhvillohet në kohën e paraparë. Konfirmimi dhe regjistrimi pjesëmarrëseve do të bëhet nga ora 09:00, ndërsa hapja solemne e turneut është caktuar për orën 10:00./tvklan.mk/
