Për të hequr ish-presidentin Donald Trump nga votimet në vitin 2024, senatori demokratik Tim Kaine i Virxhinias, mendon se mund të bëhët një argument i fortë kundër Trump, duke përdorur veprimet e Trump mbi sulmin ndaj Kapitolit në ngjarjet e 6 janarit.
Trump pas 6 janarit nga dhoma e përfaqësuesve u fajësua për nxitjen e një kryengritje ku kishte bërë përpjekje për të përmbysur humbjen e tij në zgjedhje, ku ai i mohoi të gjitha dhe u lirua nga senati.
“Për mendimin tim, sulmi në Kapitol atë ditë ishte projektuar për një qëllim të caktuar në një moment të caktuar, dhe ai ishte për të prishur transferimin paqësor të pushtetit siç parashikohet në Kushtetutë”, thotë Kaine në një intervistë për ABC.
“Kështu që unë mendoj se ka një argument të fuqishëm për t’u bërë. Mendimi im është se ndoshta do të zgjidhet në gjykata”.
“Por, ju e dini, unë mendoj se ajo në të cilën duhet të përqendrohemi në skuadrën tonë është që ne thjesht duhet të fitojmë në 2024”, tha Kaine.
Disa grupe avokuse pajtohen se kjo është një përpjekje e mirë kundër Trump, mirëpo shumë përpjekje të tilla kanë dështuar kundër republikantëve të tjerë.
“Gjuha është specifike”, argumentoi Kaine, duke iu referuar një seksioni të amendamentit që thotë se dikush nuk ka të drejtë për postin e ardhshëm ndërsa ata ishin më parë në detyrë, ata u betuan për të mbështetur Kushtetutën, por më pas “angazhohen në kryengritje ose rebelim kundër të njëjtit, ose [i dha] ndihmë ose ngushëllim armiqve të tij”, përveç nëse atyre u jepet amnisti me dy të tretat e votave të Kongresit.
Senatori dhe ish-kandidati për zëvendëspresident tha se kolegët e tij kishin debatuar duke përdorur Amendamentin e 14-të për të hequr Trumpin nga detyra, në vend që të ndiqnin një fajësim të dytë në prag të 6 janarit.
Kaine mendonte se kjo do të kishte qenë “një mënyrë më e arsyeshme për të vazhduar” në këtë çështje.
