Një grua që filmoi veten duke vrarë një mace përpara se ta fuste atë në një blender, është shpallur fajtore për vrasjen e një burri katër muaj më vonë.
Scarlet Blake, 25 vjeçare, transmetoi drejtpërdrejt copëtimin e kafshës shtëpiake pasi pa një dokumentar në Netflix të quajtur “Don’t F*** With Cats”.
Prokurorët thanë se Blake, e cila është transgjinore, kishte një “fiksim me dhunën” dhe gjeti Jorge Martin Carreno, 30 vjeç rrugëve të Oksfordit duke kërkuar dikë për të vrarë në orët e para të 25 korrikut 2021.
Trupi i punonjësit të fabrikës BMW, një shtetas spanjoll, i cili po shkonte në shtëpi i vetëm pas një nate jashtë me kolegët e punës, u gjet në lumin Cherwell në Parson’s Pleasure rreth 24 orë më vonë.
Gjykata e Kurorës së Oksfordit dëgjoi se hetimi për vrasjen ishte nisur dy vjet më vonë, kur ish-partnerja e Blake, Ashlynn Bell, e cila jeton në SHBA, u tha detektivëve se Blake kishte pranuar se kishte vrarë Martin Carrenon duke përdorur një garrotë të bërë vetë.
