Si në çdo shfaqje të madhe sportive amerikane, në pjesën e parë ka gjithmonë një shfaqje muzikore nga yje të njohur të muzikës.
Kështu ndodhi gjatë ndeshjes së NFL-së ku performoi këngëtarja Beyonce e cila u zgjodh për t’u ngjitur në skenën e improvizuar në stadiumin NRG të Houston. Të ftuarit e saj ishin Post Malone dhe vajza e saj 12-vjeçare Blue Ivy.
Në total, performanca e saj zgjati afërsisht 13 minuta. Media britanike Daily Mail zbulon shifrën e majme që ka marrë për atë performancë të shkurtër. Artistja amerikane mendohet se ka fituar rreth 20 milionë dollarë.
Kjo nuk ishte hera e parë që Beyoncé dhuron një performancë kaq të jashtëzakonshme gjatë një ngjarje sportive, pasi më parë ka kënduar në Super Bowl 2013, ndërsa në vitin 2016 performoi krah Coldplay dhe Bruno Mars e cila është edhe më e shikuara ndonjëherë.
Klan News
