17 raketa u hodhën në disa qytete ndërsa dy prej tyre ranë në hapësirën ajrore të Rumanisë dhe Moldavisë
Rusia nisi një valë sulmesh në infrastrukturën ukrainase në qytetet Kharkiv dhe Zaporizhzhia, ndërsa zyrtarët ukrainas kanë bërë të ditur se një ofensivë ruse është duke u zhvilluar në lindje.
Të paktën 17 raketa goditën qytetin juglindor të Zaporizhzhia në një orë dhe se objektet e tensionit të lartë në të gjithë vendin ishin goditur dhe furnizimet me energji elektrike ishin mbyllur.
Rusia ka goditur vazhdimisht infrastrukturën civile larg vijave të frontit gjatë katër muajve të fundit, duke lënë miliona ukrainas në qytetet e mëdha pa energji, ngrohje ose ujë për ditë të tëra në mes të dimrit.
Sirenat e sulmit ajror u ndezën në të gjithë vendin ndërsa njerëzit u strehuan në metro. Administrata e qytetit të Kievit tha se mbrojtja ajrore po funksiononte ndërsa shpërthimet u dëgjuan në kryeqytet.
Ndërkaq dy raketa të lëshuara nga Deti i Zi kishin hyrë në hapësirën ajrore të Moldavisë, më pas fluturuan në hapësirën ajrore rumune, përpara se të rihynin në Ukrainë në pikën ku takohen kufijtë e tre vendeve. ka pohuar një gjeneral i lartë ukrainas. Moldavia ka thirrur ambasadorin rus në lidhje me incidentin me raketa.
Edhe Ministria e Mbrojtjes e Rumanisë ka thënë se një raketë ruse e lëshuar nga një anije pranë Krimesë këtë mënges ka kaluar në hapësirën ajrore të Moldavisë rreth 35 km në verilindje të kufirit të Rumanisë.
Nga ana tjetër Ukraina po përgatitet për një ofensivë të re ruse me besimin se presidenti Vladimir Putin dëshiron të jetë në gjendje të shpallë një sukses në fushën e betejës përpara përvjetorit të pushtimit që ai filloi më 24 shkurt. Fokusi kryesor i Rusisë ka qenë qyteti Bakhmut në provincën lindore Donetsk, një rajon kapja e të cilit ka qenë një nga prioritetet e deklaruara të Moskës që nga fillimi i luftës.
Ministria e Mbrojtjes e Britanisë raporton se forcat Ëagner duket se kanë përparuar dy deri në tre km rreth veriut të Bakhmut. Reuters shkruan se ata tani po kërcënonin rrugën kryesore të hyrjes perëndimore për në Bakhmut, një qytet tani kryesisht i shkretë me një popullsi prej rreth 70,000 banorësh të paraluftës.
Një ditë më parë asnjë nga liderët që ai takoi nuk dha asnjë zotim publik se ata ishin gati të ofronin avionët. Britania premtoi të ndihmonte në trajnimin e pilotëve ukrainas për të fluturuar avionët e NATO-s, por nuk u ofrua për t’i siguruar ato. Çdo vendim për furnizimin me avionë luftarakë duhet të vijë nga NATO, ka thënë kryeministri i Polonisë, duke shtuar se disa vende nuk ranë dakord me propozimet për dërgimin e municioneve në Kiev.
Klan News
