Gjykata Kushtetuese hedh poshtë nismën e “Levicës” për të kontestuar vendimin për ndryshimin e emrave të disa rrugëve në Shkup, gjatë mandatit të ish-Kryebashkiakut, Petre Shilegov.
“Levica” ka kontestuar emërimin e rrugëve me emra të personaliteteve sikurse Adem Demaçi, Ernest Koliqi, Mit`hat Frashëri dhe Sulë Hotla, duke e quajtur skandaloz vendimin e Gjykatës Kushtetuese.
“Ky vendim i miratuar nga pushteti I atëhershëm lokal LSDM-BDI ishte një masë populiste për të mobilizuar vota zgjedhore nga trupi votues shqiptar dhe në kundërshtim me nenin 6 të Ligjit për emërimin e rrugëve, urave dhe shesheve. Ligji ofendon ndjenjat kombëtare të popullit maqedonas dhe shkakton ndasi midis bashkësive etnike” – thonë nga “Levica” duke akuzuar Gjykatën Kushtetuese se me këtë vendim legjitimon procesin e fshirjes së ASNOM-it.
