Në një intervistë të fundit për tabloidin britanik The Sun, Rita tregon se si ndjehej “e vetmuar dhe kishte hequr dorë nga dashuria” përpara se të binte në dashuri me Taikan e lindur në Zelandën e Re. Përveç muzikës, Rita zbuloi se i është drejtuar seancave të rregullta njëorëshe të terapisë te psikologu për ta ndihmuar atë të gjejë shkëndijën e saj edhe një herë – dhe thotë se të folurit i ofron asaj “një lehtësim të madh”. Në vend që të fshihet pas metaforave të paqarta, Rita ka përdorur albumin e saj të tretë çuditërisht të papërpunuar dhe të pambrojtur, “You & I”, për të treguar se si ajo është ndjerë me të vërtetë duke u përpjekur të rritet siç dukej bota.Në këngën e re “Waiting For You”, Rita këndon sinqerisht përmes vargjeve: “Mjaft, hoqa dorë, shikoja të gjithë miqtë e mi të martoheshin – e vetmuar nën llambadar”.
“Gjithmonë kam mbajtur roje, nuk kam qenë gati për dashuri… vetëm një rrahje në zemrën time pa asnjë dobi”.Duke biseduar për këngën, Rita tha për The Sun: “Nuk ishte metaforikisht. Kjo është fjalë për fjalë ajo se si u ndjeva”.
“Disa nga shoqet e mia thoshin: ‘Oh Zot, jam shtatzënë’ ose ‘Oh Zot, po martohem’. Jeta po ndodh dhe të gjithë po plaken dhe unë ndjeva se ishte diçka që është shumë e ngjashme”, tha ajo.
“Mendova se ishte një pozicion i pambrojtur dhe i thellë për mua. Mendoj se na lidh – veçanërisht vajzat dhe gratë dhe presioni shoqëror që ndjejmë se duhet të arrijmë. Doja të isha e prerë dhe e ndershme”, shpjegoi ajo.
“Jam vërtet krenare që e kam bërë. Po shkruaja gjërat që po kaloja në të njëjtën kohë. Në fakt po martohesha, atëherë po shkruaja për të. Unë po jetoja përmes saj. Është një album ditar”, tha Rita referuar albumit të saj të ri, “You & I”.
Në të vërtetë, disa orë pasi tha ‘Pranoj’, Rita u kthye në studio për të incizuar këngën titualle të albumit.Ajo i ka dhënë të gjithë projektit një “ndjenjë shtëpie” të vërtetë – madje duke pasur foto promo dhe vepra arti të albumeve të realizuara në tavolinën e shtëpisë së saj në Londrën Veriore.
