Risto Penov, emërohet ministër për Vetëqeverisje Lokale

Klan Macedonia

28.10.22 12:39

Sot në Kuvendin e Republikës së Maqedonisë së Veriut në seancën e 88-të, Risto Penov u votua për ministër të Vetëqeverisjes Lokale.

Propozimi që Penov të jetë ministër i Vetëqeverisjes Lokale vjen pasi bashkëpartiaku i tij dhe paraardhësi Goran Milevski dha dorëheqje nga posti për arsye personale.

Ardhja e Penovit në funksionin ministror është rikthimi i tij në skenën politike pas më shumë se 10 vitesh.

Ai u lind më 28 shtator 1957 në Veles dhe postin e parë të lartë që mbajti ishte kryetari i Shkupit. Ai qëndroi në detyrë për dy mandate (1996-2000 dhe 2000-2004), dhe më pas ishte deputet, po ashtu për dy mandate. Nga postet partiake ka qenë sekretar i Partisë Demokratike deri në bashkimin e saj me Partinë Liberale në vitin 1997 dhe më pas ka qenë nënkryetar dhe kryetar i Partisë Liberal-demokratike në periudhën nga viti 1999 deri në vitin 2007./KlanMacedonia

Risto Penov, emërohet ministër për Vetëqeverisje Lokale

Lexo gjithashtu