‘Talent Show’ më popullor i promovimit të talenteve dhe këngëtarëve të rinj, “X Factor Albania” do të rikthehet në ‘TV Klan’ në edicionin e tij të 7-të.
Teksa audicionet janë çelur në qytetin e Shkodrës dhe të Korçës, për të gjithë ata që duan të nisin rrugëtimin e tyre të paharrueshëm drejt kësaj platforme muzikore, “X Factor” hap dyert edhe në qytete të tjera të Shqipërisë e Kosovës.
Audicionet e produksionit do të mbahen përkatësisht në këto data:
– 19 Tetor Shkodra
– 20 Tetor Korça
– 23 Tetor Vlora
– 24 Tetor Durrësi
– 25 Tetor Elbasani
– 26 Tetor Prishtina
– 27 Tetor Shkupi
– 31 Tetor Tirana
Ndërkohë, në dy audicionet e para të zhvilluara në qytetet e Shkodrës dhe të Korçës, producentja artistike e regjisorja Vera Grabocka dhe moderatorja e producentja artistike Alketa Vejsiu kanë dëshmuar pjesëmarrjen mbresëlënëse të jashtëzakonshme të të gjithë atyre që ëndërrojnë skenën magjike të ‘X Factor’./tvklan.al
