Bashkimi Evropian ka publikuar sot Raportin e Progresit ku jepen vlerësime për vendim për secilën fushë. Në një pjesë të raportit kushtuar reagimit të Policisë së Kosovës me rastin e sulmit terrorist në Banjskë më 24 shtator 2023.
Raporti i Progresit vlerëson se Policia e Kosovës ka treguar nivel të lartë të profesionalizmit.
“Reagimi ndaj sulmit të shtatorit 2023 në Banjska ka treguar nivel të lartë të profesionalizmit të Policisë së Kosovë. Policia e Kosovës ka rekrutuar dy gjenerata të reja të oficerëve serbë të Kosovës, Prokuroria Speciale ka rekrutuar nëntë prokurorë speciale shtesë. Numri i aktakuzave në rastet e krimit të organizuar është rritur në vazhdimësi. Ligji i ri për Prokurorinë Speciale bën të mundur ngritjen e ekipeve hetimore multidisiplinare në rastet komplekse dhe ofron një bazë ligjore për njësinë e Hetimit Special të policisë për të trajtuar rastet e korrupsionit të nivelit të lartë. Kosova miratoi një strategji të re për drogën; u bë funksional Observatori Kombëtar i Drogës. Kosova përmirësoi qeverisjen e migracionit dhe zhvilloi një fushatë informuese për udhëtimin pa viza në BE, e cila hyri në fuqi më 1 janar 2024. Gjithashtu, Kosova miratoi një ligj të ri për Agjencinë e Regjistrimit Civil. Rekomandimet e Komisionit nga viti i kaluar janë zbatuar pjesërisht dhe mbeten kryesisht të vlefshme.”, thuhet në raport.
Më tutje thuhet se Kosova duhet të ndryshojë ligjin për pastrimin e parave dhe financimin e terrorizmit për ta harmonizuar me direktivat përkatëse të BE’së dhe të rritet numri i dënimeve për personat që merren me pastrim parash.
“Në vitin e ardhshëm, Kosova duhet në veçanti: → të ndryshojë Ligjin për pastrimin e parave dhe financimin e terrorizmit për ta harmonizuar atë plotësisht me direktivat përkatëse të BE-së; dhe të rritet numri i dënimeve për pastrim parash; të ngrihet një qendër kombëtare për luftën kundër terrorizmit dhe ekstremizmit të dhunshëm; → të vazhdojë zbatimin e Planit të Veprimit të BE-së për migracionin në Ballkanin Perëndimor; të zbatojë një sistem të integruar të menaxhimit të kufijve në përputhje me legjislacionin aktual dhe praktikat më të mira evropiane; të ndryshojë Ligjin për të huajt në përputhje me standardet e BE-së; dhe të harmonizojë në mënyrë progresive legjislacionin e tij me politikën e vizave të BE-së; → të mbajë fushatën e saj të komunikimit për të drejtat dhe detyrimet që lidhen me udhëtimin pa viza në BE, të përmirësojë kontrollet në nisje dhe të angazhohet me shtetet anëtare më të prekura të BE-së për të shmangur aplikimet e pafinancuara për azil.”
