“Transformon infrastrukturën tregtare Shqipëri – Kosovë”
Kryeministri Edi Rama ka publikuar ditën e sotme projektin e Portit të ri të Durrësit, paraqitur në mbledhjen e përbashkët të dy qeverive.
Ai thotë se ky është një projekt i integruar me projektin e hekurudhës Durrës-Prishtinë dhe Portin e Thatë në Prishtinë.
Rama shprehet se Porti i ri i Durrësit, hekurudha Durrës-Prishtinë dhe Porti i Thatë i Prishtinës do të transformojnë rrënjësisht jo vetëm infrastrukturën tregtare mes Shqipërisë dhe Kosovës, po edhe gravitetin ekonomik rajonal, duke e kthyer Durrësin në një nga portat strategjike të ekonomisë së Mesdheut.
