Kryeministri i vendit, Edi Rama ka dhënë një intervistë për “Tuttosport” në kuadër të ndeshjes Shqipëri-Itali. Gjatë intervistës, kryeministri Rama ka thënë se është hera e parë në jetën e tij që shpreson që Italia të mos fitojë një ndeshje në Kampionatin Evropian.
Pyetje: Itali-Shqipëri këtë herë vjen në Kampionatin Evropian, çfarë efekti ka për ju?
Edi Rama: E pabesueshme. Do të jetë hera e parë (dhe shpresoj e fundit) në jetën time që do të shpresoj që Italia të mos fitojë një ndeshje në Kampionatin Evropian. Por në çdo rast do të isha mirë me një barazim, i cili, për kuqezinjtë tanë, do të ishin si një fitore. E di që barazimi me Shqipërinë do të ishte fillimi i provës kundër Spallettit, por, për fat të keq, nuk mund të uroj asgjë më shumë se një barazim për Italinë.
Pyetje: Për çfarë duhet të kemi frikë nga Shqipëria? Dhe, sipas jush, si përfundon?
Edi Rama: Duhet t’i frikësohemi epërsisë së qartë të Shqipërisë në tribuna, ku sigurisht fitojmë, frymës së “hakmarrjes” së djemve të Sylvinhos dhe faktit që skuadra jonë nuk ka asgjë për të humbur. Mund të përfundojë në çfarëdo mënyre, por, duke qenë se Italia pothuajse nuk shkëlqen kurrë kur fillon një turne, shpresoj për një barazim.
Pyetje: Si ka ndryshuar marrëdhënia mes italianëve dhe shqiptarëve në tridhjetë vitet e fundit? Dhe si e gjykoni për momentin?
Edi Rama: Tani jemi një popull i ndarë nga deti, por i bashkuar në çdo gjë tjetër. Ngjashëm si dy pika uji në pikat tona të forta dhe të dobëta.
/tvklan.al
