Qeveria e Kosovës nuk heq dorë nga hapja e urës së Ibrit. ministrja e Punëve të Jashtme dhe Diasporës, Donika Gërvalla, e cila pas takimit me homologen e saj nga Finlada ka insistuar që ura mbi lumin Ibër duhet të hapet.
Finlanda është shprehur e gatshme ta ndihmojë Kosovën në normalizimin e marrëdhënieve me Serbinë
Qeveria e Kosovës vazhdon të këmbëngul në hapjen e urës së Ibrit pavarësisht thirrjeve të ndërkombëtarëve për të mos ndërmarrë një hap të tillë.
Është ministrja e Punëve të Jashtme dhe Diasporës, Donika Gërvalla, e cila pas takimit me homologen e saj nga Finlada ka insistuar që ura mbi lumin Ibër duhet të hapet.
Donika Gërvalla- Ministre e Punëve të Jashme dhe Diasporës
“Kemi diskutuar edhe për sigurinë në veri të vendit, e në veçanti për situatën e urës kryesore në Mitrovicë. Kjo urë, e cila ka simbolizuar ndarje dhe përçarje për shumë vite, duhet të hapet. Vetëm kështu ajo shndërrohet në një simbol të pajtimit dhe bashkimit. Kosova është e përkushtuar ta zbatojë sundimin e ligjit në çdo cep të territorit të saj, duke garantuar të drejta të barabarta për gjithë qytetarët, pavarësisht përkatësive të tyre etnike”
E Finlanda është shprehur e gatshme ta ndihmojë Kosovën në normalizimin e marrëdhënieve me Serbinë
Elina Valtonen – Ministre e Jashtme e Finlandës
Kemi biseduar për dialogun mes Prishtinës dhe Beogradit dhe normalizimin e marrëdhënieve mes palëve. Finlanda është përkrahëse, në kuadër të KFOR-it dhe EULEX-it në stabilitetin për Ballkanin Perëndimor. Ashtu siç është pajtuar në marrëveshjen e vitit të kaluar për normalizimin e marrëdhënieve, Finlanda është e gatshme që të bëjë çfarëdo që është e mundur që t’ju mbështes në këtë rrugë
Ndërkohë zëdhënësi i Bashkimit Evropian, Peter Stano, ka kërkuar nga autoritetet e Kosoëvs të evitojnë çdo veprim të njëanshëm e të pakoordinuar që mund të kontribuojnë në rritje të tensioneve.
Ai këto komente i bëri kur u pyet për mbylljen e institucioneve paralele serbe në veri.
]Peter Stano- Zëdhënës i BE-së
Ky është mesazhi kryesor për autoritetet e Kosovës – të evitojnë çdo veprim e hapa të njëanshëm e të pakoordinuar që kontribuojnë në rritje të tensioneve dhe përshkallëzimin edhe më tepër të tensioneve. Kështu që po angazhohemi me partnerët në Kosovë, po u dërgojmë mesazhe dhe shpresojmë që të jemi në gjendje të zgjidhim më në fund këto çështje, t’i zgjidhim aty ku i takon – në kuadër të kornizës së dialogut të lehtësuar nga BE-ja”
Deris tw premten pritet tw arrij nw Kosovw I dwrguari I BE-sw pwr dialogun Miroslav Lajcak.
