Presidenti rus, Vladimir Putin, sonte i është drejtuar popullit të tij me një fjalim të gjatë.
Ai ka folur për zhvillimet e fundit dhe protestën që e bëri ndaj tij Grupi Wagner.
“Shumica dërrmuese e Wagner janë patriotë të Rusisë. Duke u kthyer prapa ata shmangën gjakderdhjen e mëtejshme”, tha Putin.
Putin ka deklaruar se do ta mbajë premtimin që kushdo që dëshiron nga pjesëtarët e Wagner të shkojë në Bjellorusi do t’ua mundësojë.
Në fjalimin e tij, i pari i rusëve tha gjithashtu se të gjitha vendimet e nevojshme për të neutralizuar kërcënimin e Wagner u morën që në fillim.
“Rebelimi do të ishte shtypur gjithsesi dhe organizatorët e kuptuan se veprimet e tyre ishin kriminale”, shtoi ai.
Gjithashtu, ai e falënderoi liderin e Bjellorusisë, Alexander Lukashenko, për përpjekjet e tij për të zgjidhur situatën në mënyrë paqësore, por ai tha se ishte uniteti i shoqërisë ruse që luajti rolin vendimtar.
