Kreu i Kremlinit ngriti akuza për krizën në Gaza për të krijuar paqëndrueshmëri në të gjithë botën
Presidenti rus Vladimir Putin akuzoi shërbimet perëndimore dhe të inteligjencës dhe Ukrainën se ishin ato që nxitën sulmin në aeroportin në rajonin jugor rus të Dagestanit nga një turmë anti-izraelite.
Kreu i Kremlinit i bëri komentet e tij në një deklaratë televizive në një takim të anëtarëve të Këshillit të Sigurimit të Rusise, qeverisë dhe krerëve të agjencive të zbatimit të ligjit.
“Ngjarjet në Makackala u nxitën përmes rrjeteve sociale, nga Ukraina, nga duart e agjentëve të shërbimeve speciale perëndimore. Kush po organizon kaosin vdekjeprurës dhe kush përfiton prej tij sot. Në këtë drejtim, unë pyes veten, ‘a është e mundur të ndihmohen palestinezët duke u përpjekur të sulmojnë grupin etnik të hebrenjve që jetojnë në Kaukaz dhe familjet e tyre?’”
Putin akuzoi gjithashtu Perëndimin se po nxit krizën në Gaza.
“Ne kujtojmë se si filloi kriza në Lindjen e Mesme. Po ashtu shohim se në vend të ndëshkimit të kriminelëve dhe terroristëve, për fat të keq, ata filluan të hakmerren. Ngjarjet e tmerrshme që po ndodhin tani në Rripin e Gazës, kur qindra mijëra njerëz të pafajshëm po vriten pa dallim, të cilët thjesht nuk kanë ku të ikin, ku të fshihen nga bombardimet. Janë elitat aktuale në pushtet dhe mbështetësit e tjerë që kërkojnë paqëndrueshmëri botërore.”
Qindra njerëz sulmuan aeroportin e Makhachkala përpara se një avion me izraelitë të mbërrinte nga Tel Avivi. Shumë valëvitën flamuj palestinezë dhe slogane antisemite. Dagestani ka një popullsi me shumicë myslimane dhe incidenti mendohet të jetë shkaktuar nga zemërimi për konfliktin në Gaza.
I pyetur në lidhje me pretendimet e Rusisë, zëdhënësi i Këshillit të Sigurisë Kombëtare të SHBA-së John Kirby i përshkroi ato si retorikë klasike ruse.
“Kur diçka shkon keq në vendin tuaj, ju fajësoni dikë tjetër. Perëndimi nuk kishte asnjë lidhje me këtë. Kjo është vetëm urrejtje, fanatizëm dhe frikësim,” tha ai.
Klan News
