Shumicën e kohës, nëse jo gjithmonë, tualetet publike nuk janë të pastra. Pra, kur na duhet të përdorim një tualet publik, ose e mbajmë urinën dhe i japim ose shkojmë dhe rrimë pezull mbi ndenjësen e tualetit në mënyrë që të mos kontaktojmë me të. Ndërsa kjo është një zgjidhje e mirë e përkohshme, ky zakon mund të formojë probleme dytësore me kalimin e kohës, sipas Bright Side.
Ju mund të jeni në rrezik më të lartë për infeksione të traktit urinar.
Kur nuk uleni plotësisht mbi tualet, pasi lehtësoheni, muskujt e legenit tuaj janë rreth 40% të tendosur dhe fshikëza juaj nuk është plotësisht e relaksuar. Pra, kur të ngriheni, me siguri do t’ju mbetet pak urinë brenda. Kjo urinë e mbetur mund të krijojë baktere dhe të çojë në një rrezik më të lartë të kontraktimit të një infeksioni të traktit urinar.
Ju mund të përjetoni ndjesinë e pakëndshme të nevojës gjithmonë për urinim.
Urina e mbetur brenda fshikëzës suaj do t’ju vërë në rrezik të një rrjedhje aksidentale kur teshtitni, kërceni, qeshni ose kolliteni. Mund të irritojë gjithashtu pjesën e brendshme të fshikëzës, duke ju bërë të ndiheni sikur duhet të shkoni më urgjentisht ose më shpesh sesa normalisht.
Fshikëza juaj mund të bëhet më e dobët me kalimin e kohës.
Kur nuk uleni plotësisht mbi tualet gjatë urinimit, nuk po i përdor muskujt e legenit në mënyrë natyrale. Pra, nëse e përdorni tualetin në këtë mënyrë shumë shpesh, në një farë mënyre po stërvitni muskujt tuaj që të mos pushojnë dhe pas shumë vitesh, fshikëza juaj mund të dobësohet.
Nëse duhet të lehtësoni veten, atëherë preferohet ulja plotësisht mbi tualet dhe jo të rrini pezull mbi të. Kjo është mjaft e mirë për shëndetin tuaj, sepse muskujt e legenit dhe të fshikëzës tuaj janë më të relaksuar në këtë pozicion. /tvklan.al
