Edhe gjatë ditës së sotme punonjësit e Ministrisë së Kulturës dhe të administratës protestuan para këtyre institucioneve për të kërkuar paga më të larta. kërkuan nga qeveria që sa më shpejt të gjindet një zgjidhje pasi në të kundërtën nuk do të heqin dorë nga protrstat.
Punonjësit e Ministrisë së Kulturës dhe Turizmit edhe sot dolën në protesta për të kërkuar rritjen e pagave dhe trajtim të barabartë me ata që punojnë në institucionet e tjera shtetërore. Branko Kostovski, kryetar i Sindikatës së Punëtorëve të Administratës dhe Organeve të Drejtësisë, theksoi se 70% e punonjësve të Ministrisë së Kulturës janë me paga më të ulëta se mesatarja, ndërsa kërkoi nga autoritetet që të sigurojnë një trajtim të barabartë për të gjithë ata që kontribuojnë në administratën shtetërore.
“E mirëpresim rritjen e pagave të kolegëve tanë nga organet e tjera shtetërore, por në të njëjtën kohë kërkojmë nga ministri i Financave, Qeveria dhe kryeministri që të mos lejojnë trajtim të pabarabartë të punonjësve në organet shtetërore. Përgjegjësia e kolegëve kudo është e madhe, por të kujtojmë se, Ministria e Kulturës dhe Turizmit i shërben punës së 72 institucioneve kombëtare dhe 49 lokale në fushën e kulturës dhe në kuadër të konkurseve vjetore të Ministrisë përpunohen mesatarisht rreth 5000 aplikime, nga të cilat të paktën gjysma pasohen me detyrime. – nënshkrimi i kontratave dhe monitorimi i tyre”, theksoi Kostovski.
Treppe Deanoski, kryetar i Sindikatës së Punëtorëve të Administratës, Organeve Gjyqësore dhe Shoqatave të Qytetarëve (UPOZ), kujtoi protestat e vitit të kaluar dhe kërkoi fillimin e menjëhershëm të negociatave me Qeverinë për të arritur një zgjidhje të pranueshme për rritjen e pagave.
“Në vitin 2023, të njëjtët punëtorë 21 ditë me radhë protestuan para Qeverisë së Republikës së Maqedonisë, me të njëjtat kërkesa si sot, nënshkrimin e marrëveshjes kolektive dhe rritjen e pagave të punëtorëve, tha Deanoski në një deklaratë për media. Kërkesat tona vazhdojnë prej vitesh dhe çdo përpjekje e qeverisë apo e partive politike për të vërtetuar se ka politikë në protesta apo në punën e sindikatës do të jetë e kotë”, tha Deanoski.
Ai përkujtoi se kërkesat mbeten të njëjta dhe apeloi Qeverinë dhe ministritë përkatëse që sa më shpejt të fillojnë negociatat dhe të gjejnë një zgjidhje të pranueshme për këtë problem. Në protestën e djeshme para Ministrisë së Mjedisit dhe Planifikimit Hapësinor, Deanoski tha se protestat do të vazhdojnë çdo ditë nga ora 11 deri në 11:30. Ai ka paralajmëruar protestë para Ministrisë së Financave të premten nga ora 11:00 deri në orën 12:00. /tvklan.mk
