Prokuroria e Tiranës ka mbyllur hetimet dhe ka dërguar për gjykim Princ Lekën, ish-bashkëshorten e tij Elia Zaharian dhe babain e kësaj të fundit, Gjergj Zaharia për akuzën e dhunës në familje.
Hetimet nisën pas publikimit të një vidio dhe kallëzimit në prokurori për dhunë në familje.
Kujtojmë që pas disa seancash gjyqësore, Gjykata e Tiranës, ka firmosur më 25 prill zgjidhjen e kurorës martesore mes pasardhësit te familjes se mbretit Zog dhe Elia Zaharisë.
Në vendimin e Gjykatës së Tiranës, të siguruar nga ABC News, thuhet se Elia Zaharia do të mbajë emrin e vajzërisë dhe jo mbiemrin “Zogu”.
Divorci mes Elia Zaharisë dhe Princ Lekës është bërë me dakortësinë e të dy palëve dhe nuk pritet të apelohet, çka do të thotë se vendimi I Gjykatës së Tiranës do të jetë I formës së prerë.
Leka Zogu ka pranuar nga ana e tij, që vajza 3-vjeçare të lihet nën kujdesin e nënës, Elia, për tu përgjigjur për kujdesin dhe edukimin e saj.
Sipas marrëveshjes, gjykata ka vendosur që Princ Leka, mund të takohet me vajzën e tij çdo ditë për rreth dy orë. Ndërsa në fundjavë, të premten dhe të shtunën, Gjykata ka vendosur që vajza 3-vjecare mund të qëndrojë pa kufizim orari me babanë e saj./abcnews.al
