Ministrat do të bëjnë punësime pa lejen e financave
Ministri i Financave, Fatmir Besimi do t’ia transferojë ministrave të tjerë dhe drejtuesve të institucioneve detyrën për punësime në sektorin publik. Në takim me gazetarët, bumri një i financave, tha se, çdo ministri, biznes, agjenci, shoqëri aksionare dhe komunë do të krijojë planin e vet të punësimit, i cili më pas duhet të autorizohet nga organizata që e mbikëqyr. Personi që punëson më shumë njerëz sesa mund të përballojë do të përballet me akuza penale.
”Ka pasur situata që fatkeqësisht raportojnë se kanë dërguar kërkesë për pëlqim për 10 vende pune dhe nuk kanë para për të gjitha. Por dy ishin shumë të rëndësishme për ta. Unë nuk e bëj dot në financë, ky mund të punësohet, por tjetri jo. Kjo decentralizon procesin e punësimit në sektorin publik. Ai do të realizohet në bazë të një plani punësimi të miratuar në shfrytëzuesin apo institucionin buxhetor dhe në bazë të buxhetit të miratuar në Kuvend”, thotë Fatmir Besimi, Ministër i Financave
Besimi është i bindur se kjo risi nuk do të shkaktojë “cunami” nga punësimet në sektorin publik por se do të vendos rend. Në periudhën e fundit ka pasur një sërë shpalljesh për pune, siç është EMV e cila kërkon mbi 550 personel. Sipas Besimit, bëhet fjalë për persona të cilët kanë qenë të punësuar për më shumë se dy vjet.
”Të gjithë ata që ishin me kontrata me afat të caktuar dhe në kategorinë e pagave për më shumë se dy vjet u konstatua se janë të nevojshëm dhe të gjitha institucionet filluan procesin me afat të pacaktuar. Por të gjithë ministrat në Qeveri duhej të shpjegonin nevojën”, thotë Besimi.
Edhe pse ndryshimi i fundit ligjor dhe punësimet momentale në sektorin publik po bëhen vetëm disa muaj para zgjedhjeve, Besimi pretendon se kjo nuk është e ndërlidhur me zgjedhjet./KlanMacedonia
