Giorgi Mamardashvili, portieri gjeorgjian që shkëlqeu në Euro 2024, ka tërhequr vëmendjen e klubeve të mëdha evropiane pas performancave të tij mbresëlënëse. Pavarësisht se nuk u përfshi në formacionin më të mirë të turneut, Mamardashvili u dallua për numrin e madh të pritjeve dhe kontributin e tij në arritjen e Gjeorgjisë deri në fazën e 1/16-ve.
Sipas raportimeve të fundit, Newcastle dhe Chelsea nga Premier League, Bayern Munich nga Bundesliga dhe Inter nga Serie A kanë shprehur interes për portierin 23-vjeçar. Valencia, klubi aktual i Mamardashvilit, ka filluar të bëjë lëvizjet e para duke transferuar portierin maqedonas Stole Dimitrievski nga Rayo Vallecano dhe ka vendosur një çmim prej 40 milionë eurosh për Mamardashvilin.
Ndërsa Newcastle dhe Bayern Munich duket se janë të stepur nga shifra e kërkuar, Chelsea është më afër për të siguruar shërbimet e portierit gjeorgjian. Tani mbetet të shihet se cili klub do të jetë i gatshëm të investojë për të marrë Mamardashvilin në radhët e tij.
