10 mijë të zhdukur, shumë vende zotohen për të ndihmuar
Përmbytjet e rënda që kanë goditur Libinë u kanë marrë jetën afro 3000 vetëve. Më shumë se 1,000 trupa të pajetë u nxorrën në qytetin bregdetar Derna gjatë orëve të fundit.
Ende nuk dihet ende saktësisht se sa persona rezultojnë të zhdukur në këtë fatkeqësi natyrore por sipas vlerësimeve paraprake dyshohet që numri i tyre të variojë nga 5,000 deri në 10,000 .
Siç tregojnë edhe këto pamje dëmet materiale janë kolosale. Makina të përmbysura, rrugë të dëmtuara, por edhe fusha të përmbytura janë vetëm disa nga pasojat që ka shkatuar stuhia Daniels e cila po ashtu shkaktoi përmbytje katastrofike dhe në Greqi.
Për të ndihmuar Libinë shumë vende të huaja janë zotuar të ofrojnë ndihmë. Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell në një postim në rrjetet sociale ka bërë të ditur se Unioni po ndjek nga afër situatën.
Egjipti, Katari, Irani dhe Gjermania janë ndër vendet e tjera që janë treguar të gatshme të dërgojnë ndihma.
