Aeroporti Ndërkombëtar i Dubait është rihapur, ndërsa disa fluturime kanë mbetur të ndërprera pas shirave të dendur që goditën Emiratet e Bashkuara Arabe dhe vendet fqinje. Disa fluturime hyrëse kanë rifilluar ditën e sotme, por në të gjithë aeroportin ndërkombëtar të Dubait, një qendër kryesore udhëtimi po lufton për të funksionuar.
Autoritetet thanë se kishin filluar të merrnin fluturime hyrëse në Terminalin 1, të përdorur nga udhëtarët e huaj, por se fluturimet dalëse vazhdojnë të vonohen për shkak të gjithë ngarkesës. Ata më vonë njoftuan se check-in ishte i hapur në Terminalin 3 për Emirates, transportuesi i vetëm më i madh në aeroport.
Nga ana tjetër, ata paralajmëruan se një numër i madh udhëtarësh po presin në radhë dhe se priten vonesa të gjata. Në një postim në rrjetin social “X”, zyrtarët u kërkuan njerëzve që të shkonin në aeroport vetëm në rast se kanë rezervime të konfirmuara.
“Kjo mbetet një periudhë tepër sfiduese. Nuk mendoj se dikush ka parë ndonjëherë kushte të tilla”, tha kreu i aeroportit të Dubait, Paul Griffiths.
Rrugët përreth mbeten të bllokuara për shkak të mbipopullimit me njerëz që përpiqen të arrijnë në aeroport. Të mërkurën, rreth 300 fluturime u anuluan dhe qindra të tjerë u vonuan. Emiratet e Bashkuara Arabe kanë regjistruar reshjet më të mëdha të shiut në histori.
Agjencia shtetërore e lajmeve e quajti shiun një ngjarje historike të motit që tejkaloi çdo gjë të dokumentuar që nga fillimi i mbledhjes së të dhënave në 1949./tvklan.al
