“EKOSISTEMET INOVATIVE DHE DIGJITALE VEPRIME STRATEGJIKE”
Si të zhvillohet ekosistemi inovativ i vendit për të tërhequr investime, të gjenerojë vende pune dhe t`I mbajë të rinjtë në Maqedoninë e Veriut?
Pyetjen e shtroi Presidenti Stevo Pendarovski në konferencën shkencoro-teknologjike “Industritë tradicionale dhe sektorët kreativ të penguar në rrugën e krizës ekonomike”, njofton KlanM.
“Në vend që të humbim energjinë me tema politike që shpeshherë pa nevojë na preokupojnë 24/7, të gjithë aktorët politik duhet të ndërtojnë konsensus rreth krijimit të ambientit për inovacione për shkak se kjo është interes vital kombëtar” – deklaroi Stevo Pendarovski.
Por, si të sigurohet zhvillimi në kohë të pasigurta? Përgjigja sipas Presidentit, sic percjell KlanM, qëndron tek ekosistemet inovative dhe digjitale kurse vendi në këtë veprim strategjik ka rol të trefishtë.
“Së pari të ndërtohet arsimi bashkëkohor sipas trendeve botërore dhe kërkesave në tregun e punës. Së dyti, të rregullohet korniza me rregulla të fundionimit të këtyre ekosistemeve dhe së treti të krijohen kushte të domosdoshme që ekosistemet të gjenerojnë profit për investitorët por edhe për shoqërinë për shkak se RMV-ja sipas kushtetutës patjetër të jetë shtet social” – deklaroi Pendarovski.
Presidenti shprehet I qartë se vendi nuk e ka luksin të pres kohëra më të mira.
“Është koha e fundit që të japim përgjigje në pyetjen; nëse do të zhvillohemi ose do të vazhdojmë të jetojmë sipas inercionit ku stagnojmë. Asush në botë nuk e ka luksin të presë kohëra më të mira, ne – më së paku! Gjithashtu, askush nga jashtë nuk do t`I krijojë kohërat më të mira. Vetëm ne jemi përgjegjës për fatin dhe të ardhmen tonë” – tha Pendarovski.
Sipas Presidentit start-up ekosistemi i vendit gjendet para tri sfidave të mëdha. Demografik – për shkak të largimit të të rinjve, tashmë janë arritur projeksionet demografike të OKB-së për vitin 2030, ku për 16% kemi më pak të rinj se sa në vitin 2002 respektivisht 28% më pak se në vitin 1991, sfida e dytë, sic percjell KlanM, është arsimore apo mungesa e fuqisë punëtore me kualifikim të lartë me aftësi digjitale kurse sfida e tretë është politike, etnizimi I politikës, partizimi I institucioneve dhe polarizimi I shoqërisë që në plan të dytë vënë zhvillimin e ekosistemit inovativ. /KlanMacedonia/
