Prindërit e nxënësve në disa shkolla fillore në Shkup janë vënë në dijeni nga stafi mësimdhënës për një tendencë të rritur të vetëdëmtimit fizik ndër fëmijët. Sipas njoftimeve, është raportuar një rritje e incidenteve ku nxënësit janë vetëdëmtuar përdorin brisk, thika mprehëse, gërshërë, dhe sende të tjera të mprehta, veçanërisht në duar dhe këmbë.
Stafi mësimor ka bërë thirrje për një kontroll dhe vëmendje më të madhe ndaj fëmijëve nga prindërit. Është kërkuar nga prindërit që të raportojnë çdo ndryshim në sjelljen e fëmijëve dhe të lejojnë inspektime të paparalajmëruara në shkolla për të adresuar dhe parandaluar këtë fenomen shqetësues.
Psikoterapistët lokalë, si Fiki Gaspar, theksojnë rëndësinë e reagimit të shpejtë nga prindërit dhe kërkimin e ndihmës profesionale nëse vërejnë ndryshime të caktuara në sjelljen e fëmijëve të tyre. Gaspar gjithashtu shtoi se kontrolli i përmbajtjes që fëmijët shohin në rrjetet sociale është jetik për të parandaluar të tilla incidente.
Ky fenomen kërkon një vëmendje të veçantë dhe një përgjigje të koordinuar nga prindërit, institucionet arsimore dhe ekspertët për të mbrojtur mirëqenien e të rinjve.
