Papa Françesku ka shprehur dëshirën e tij për të vizituar zonën e Nikesë në rastin e 1700 vjetorit të Këshillit të Nikesë. Duke mirëpritur delegacionin e Patriarkanës Ekumenike nga Kostandinopoja në Romë për festën e Shën Pjetrit dhe Palit, Papa theksoi lidhjet e thella që bashkojnë dy Kishat dhe vendosmërinë për të ecur së bashku drejt rivendosjes së unitetit mes tyre.
Ai bëri thirrje kishave ortodokse lindore që të shoqërojnë dhe mbështesin Vitin e Shenjtë me lutjet e tyre, duke theksuar se rruga e Zotit është rruga e dashurisë, e pajtimit dhe e mëshirës.
“Dialogu midis Kishave tona nuk paraqet rrezik për integritetin e besimit, por është një domosdoshmëri që lind nga besnikëria jonë ndaj Zotit, i cili na çon në të gjithë të vërtetën përmes shkëmbimit të dhuratave dhe nën drejtimin e Frymës së Shenjtë”, tha Papa Françesku.
