Ministri i Jashtëm Bujar Osmani në rrjetin social Facebook shkruan se në seancën e sotme në Asamblenë e Përgjithshme të OKB-së në New York, Maqedonia e Veriut e bashkësponsorizoi rezolutën për Srebrenicën. Osmani më tej shton se Ballkani Perëndimor dhe bota meritojnë paqe dhe prosperitet.
“Maqedonia e Veriut, në seancën e sotme të Asamblesë së Përgjithshme të OKB-së në New York, e bashkësponsorizoi rezolutën për shpalljen e 11 korrikut si “Dita Ndërkombëtare e Reflektimit dhe Përkujtimit të Gjenocidit në Srebrenicë në vitin 1995”, thotë Osmani.
“Rruga drejt një të ardhmeje më të mirë përfshin nderimin e kujtimit të viktimave dhe mbështetjen e të mbijetuarve të të gjitha krimeve të kryera kundër njerëzimit dhe gjenocidit të vitit 1995 në Srebrenicë, si dhe nënvizimin e rolit të gjykatave ndërkombëtare në luftën kundër mosndëshkimit.
Gjykata Ndërkombëtare Penale, Gjykata Ndërkombëtare e Drejtësisë dhe Tribunali Penal Ndërkombëtar për ish-Jugosllavinë (ICTY)”, shkruan Osmani./Telegrafi/
