Ministri i Punëve të Jashtme të Maqedonisë së Veriut dhe nënkryetar i BDI-së, Bujar Osmani në Klan Debat me Xhumadije Ibraimin, ka këmbëngulur se incidenti në M-NAV nuk ka qenë më shumë se zënkë verbale mes kolegësh dhe kjo sipas tij, do të vërtetohet edhe nga institucionet kompetente.
“Është tentuar aq shumë të politikzohet saqë u dol edhe me deklaratë se kinse ka reaguar edhe NATO. E vërteta është se NATO nuk ka reaguar për këtë rast”, tha Osmani.
I pyetur se çka do të ndohdë me Bekim Nezirin, i cili është përfshirë në këtë rast dhe aktualisht është në arrest shtëpiak, Osmani u shpreh se pret që institucionet ta zbardhin rastin.
“Unë shpresoj se shumë shpejt, prokuroria dhe gjykata do e zbardhin këtë rast dhe do të vazhdohet ashtu siç ka nisur”, deklaroi Bujar Osmani./KlanMacedonia
