Shefi i diplomacisë, Bujar Osmani, thekson se Komisioni Evropian, në Raportin e ri për progresin e Maqedonisë së Veriut për vitin 2022 që u prezantua sot në Bruksel, vë në dukje progresin pozitiv për vendin për vitin 2022.
“Mbajtja e Konferencës së parë Ndërqeveritare në korrik 2022 përfaqëson një moment historik dhe shënon fazën e re në procesin e anëtarësimit në BE. Progres shumë i mirë me përafrimin e plotë me Politikën e Përbashkët të Jashtme dhe të Sigurisë pas agresionit rus kundër Ukrainës. Në fushën e bashkëpunimit rajonal, vendi mban marrëdhënie të mira bilaterale me vendet e tjera të rajonit dhe vazhdon të angazhohet në iniciativa rajonale”, thekson Osmani.
Ndryshe në progres raportin e publikuar sot për Maqedoninë e Veriut, komisioneri Oliver Varhelyi ka vlersuar se vendi ka treguar progres të qëndrueshëm në zbatimin e reformave të integrimit europian, por se duhet të rris shpejtësinë e reformave./KlanMacedonia/
