FIFA është duke hetuar se si shefi i njohur i kuzhinës Salt Bae dhe një numër tjetër personash morën “akses të tepruar” në fushën e blertë pas finales së Kupës së Botës në Katar. Salt Bae, shefi turk i kuzhinës, emri i vërtetë i secilit është Nusret Gokce, u fotografua duke mbajtur dhe puthur trofeun ndërsa festonte me lojtarët argjentinas pas fitores me Francën.
Sipas rregullave të FIFA-s, trofeu mund të mbahet vetëm nga një grup personash të përzgjedhur, duke përfshirë fituesit e turneut, zyrtarët e FIFA-s dhe krerët e shteteve.
“FIFA po heton se si disa individë morën akses të tepruar në fushë pas ceremonisë mbyllëse në stadiumin Lusail më 18 Dhjetor. Do të ndërmerren veprimet e duhura të brendshme”, tha në një deklaratë FIFA.
Nusreti zotëron një zinxhir restorantesh ku shërbehet mish. Ai u bë i famshëm në vitin 2017 pasi teknika e tij për përgatitjen e mishin u bë meme në internet.
Shumë futbollistë aktualë dhe ish-futbollistë kanë ngrënë në restorantet e Salt Bae. Në Nëntor, gjatë Kupës së Botës, ai postoi një video duke përqafuar presidentin e FIFA-s, Gianni Infantino, me të cilin më vonë u fotografua në vendet VIP në një ndeshje me legjendat e Brazilit, Ronaldo, Roberto Carlos dhe Cafu./tvklan.al
