Sabri Fejzullahu dhe Adelina Ismaili kanë prezantuar së fundmi projektin e ri muzikor.
“Nusja më e bukur” mban titullin kënga, të cilën e kanë kompletuar edhe me videoklip.
Ikonat e muzikës shqipe kanë bërë dhe një paraqitje të mahnitshme në klip, duke qenë se shquhen për paraqitjet e veçanta.
Ky rikthim i dyshes vjen pas shumë vitesh, meqë kanë bashkëpunuar edhe më parë.
Teksti është shkruar nga vetë këngëtarja me muzikë nga Xhevdet Gashi.
Orkestrimi u bë nga Florent Boshnjaku me videon e realizuar nga produksioni, Dream Films.
Kjo këngë tashmë ndodhet në platformën YouTube, në kanalin e Baresha.
