Analisti poltik Dritëro Arifi thotë se qysh nga dakordimi Ohër, Serbia ka filluar ta shkel marrëveshjen.
Arifi thotë se, presidenti Vuçiq shkeli marrëveshjen e Ohrit në momentin kur doli kundër anëtarësimit të Kosovës në organizata ndërkombëtare.
“Sa i përket deklaratave të Vuçiqit, ai realisht që në ditën kur janë zotuar për marrëveshje e ka shkel marrëveshjen duke thënë që ne nuk do ta tolerojmë anëtarësimin e Kosovës në OKB dhe këtë po e potencon gjatë gjithë kohës”, tha Arifi.
“Edhe ministri i Jashtëm i Serbisë në vizitën e tij të fundit në Azinë Qëndrore e shkeli parimin e marrëveshjes, pra neni 4 është shkelur dhe do të shkelet vazhdimisht”, shtoi ai.
Sipas Arifit, Serbia do të vazhdojë që mos të pranojë Kosovën të anëtarësohet në organizata ndërkombëtare, teksa shton se përveç pikës 4 të marrëveshjes, Vuçiq është kategorikisht kundër edhe pikës 1.
“Serbia nuk do ta pranojë Kosovën në asnjë formë që të anëtarësohet në ndonjë organizatë, kjo po vrehet në çdo deklaratë të tyre.Serbia e ka për qëllim që edhe neni 1 mos ta zbatojë, ku përfshihen pasaportat, targat e diplomat. Në këtë formë do të bënte presion të madh tek qytetarët e Luginës së Preshevës që mos ta avancohen”, tha Arifi.
Arifi e sheh shqetësues faktin që BE dhe SHBA-të nuk marrin masa ndaj këtyre deklaratve të Vuçiqit.
“Në njëfarë mënyre kjo është zhgënjimi më i madh nga BE dhe SHBA-të të cilat nuk po tregohen serioze në këtë aspekt që Serbinë ta detyrojnë të zbatojnë marrëveshjen”, tha Arifi për Blic.
