QSH CAKTON PËRSËRI SEANCË URGJENTE TË KËSHILLIT
Këshilltarët e Qytetit të Shkupit nuk solli vendim që të subvencionohen pagat e shoferëve të NQP në Shkup. Pas përfundimit të seancës nga qyteti i Shkupit thanë se këshilltarët e VMRO-DPMNE-së kanë vendosur ti sfidojnë qytetarët duke i lënë pa transport dhe që punëtorët e NQP Shkup ti lënë pa pagesa.
Ndërkaq Kryetarja e Qytetit të Shkupit, Daniela Arsovska gjatë seancës së jashtëzakonshme deklaroi se i jep përkrahje sindikatave për pagesën e subvencioneve për muajin dhjetor. Ajo gjithashtu u bëri thirrje këshilltarëve që të miratojnë subvencionet në mënyrë që punojnjësit e NQP-së të paguhen.
“Do të doja t’ju bëj thirrje këtu të votoni që të punësuarit të mund të marrim pagën e dhjetorit sepse e kanë meriutar, më vjen shumë keq që nuk keni gjetur virttytin që as ë seancën e jashtëzakonshme të votoni që shoferët të vendosin në sofrën e tyre ushqim gjatë kohës së festave, atë që të gjithë mundën ta bëjnë, ta çojnë pagën e tyre në shtëpi dhe t’i paguajnë faturat”, Danela Arsovska, Kryetare e Qytetit të Shkupit.
Sipas VMRO-së në lidhje me përkujdesin ndaj punonjësve të NQP-së, më 14 nëntor ka pasur seancën e nëntë të jashtëzakonshme në të cilën kanë votuar edhe 2 milionë euro shtesë për subvencionet e SPS-së, në të cilën drejtori u ka thënë se ato do të jenë për pagat e dhjetorit.
“Fillimisht kemi dhënë 10 milionë euro, më pas kam dhënë 2 milionë euro dhe na është premtuar se me ato para do të mbulohej viti i plotë dhe do të përfundonte. Dhe tani na thoni që nuk e kanë marrë rrogën e dhjetorit. Dhe tani lind pyetja, si arritët ta çoni ndërmarrjen në këtë nivel”, thonë nga VMRO.
Kurse LSDM pohoi se i mbështet punëtorët e NQP-së dhe i inkurajon të vazhdojnë protestat deri sa të marrin pagat.
“Grupi këshillues i LSDM-së i përkrah punëtorët e NQP-së, të cilët sot po protestojnë, dhe nëse sot nuk miratohet kërkesa për subvencione, që punëtorët të marrin paga, atëherë protestat të jenë para “pallatit të bardhë” të VMRO-së. DPMNE kush e ka fajin për këtë rrëmujë”, thonë nga LSDM.
Punëtorët e NQP-së protestuan para Qytetit të Shkupit nga ora 10:30 dhe pritën rezultatin e seancës së jashtëzakonshme të Këshillit të Qytetit të Shkupit, e cila diskutoi dhe vendosi për pagesën e subvencioneve për JSP-në për muajin dhjetor, duke mos miratuar subvencionin dhe si rezultat duke i lënë punëtorët e NQP-së pa paga./KlanMacedonia
