Një vajzë e vogël është nxjerrë nga rrënojat pas 150 orësh pas tërmetit të fuqishëm që goditi Turqinë të hënën.
Ministri i Shëndetësisë i Turqisë, Dr. Fahrettin Koca, ka publikuar pamje nga mjekimi i vogëlushes, e cila pastaj është dërguar me helikopter për shërim.
“Ndërhyrja e parë mjekësore për vogëlushen tonë, e cila u shpëtua nga rrënojat në orën 150, u krye në spitalin tonë fushor të Hatajit. Si pediatër, ne mbikëqyrëm procesin. Foshnja jonë u dërgua në Adana me ambulancë me helikopter për mjekim”, ka shkruar Koca në Twitter.
