Një ngjarje e pakëndshme ka ndodhur në qytetin e Tetovës pasditen e sotme. Një i ri me automjet nuk është ndaluar kur policia i ka dhënë shenjë për ndalesë. Ai është larguar me shpejtësi duke ka shkaktuar kaos në rrugët e Tetovës, informon Klan Maqedoni.
Jozyrtarisht, burime nga vendngjarja për KlanM thonë se të paktën 2 persona janë goditur me veturë nga i riu, i cili është kapur nga policia në Reçicë të Vogël.
Klan Macedonia mëson jozyrtarisht se bëhet fjalë për automjet të vjedhur dhe pronë e një ministrie, ndërsa personat që autori ka tentuar t’i godasë ose i ka goditur kanë qenë policë e inspektorë civil që kanë dashur ta ndalojnë.
Automjeti ka qenë i paraqitur si i vjedhur mëngjesin e sotëm.
Detaje më të hollësishme në vijim.
